Samsung flagman Galaxy Tab S12 Ultra va S12+ planshetlarini taqdim etdi

Har ikkala yangi qurilma 120 Gts yangilanish chastotasi va maksimal yorqinligi 1600 kd/m² boʻlgan Dynamic AMOLED 2X displeylari bilan jihozlangan. Katta Galaxy Tab S12 Ultra modelining ekrani 2960 × 1848 pikselli 14,6 dyuymli, kichikrogʻiniki esa 2800 × 1752 pikselli 12,6 dyuymli diagonaldan iborat. Ultra modelining korpusi 5,1 mm qalinlikka ega boʻlib, seriya tarixidagi eng yupqasiga aylandi. Qurilmalar IP68 standarti boʻyicha chang va suvdan himoyalangan hamda Bluetooth Low Energy modulisiz Galaxy S Pen stilusiga ega.

Planshetlar MediaTek Dimensity 9500 protsessoriga asoslangan boʻlib, u Tab S11 Ultra bilan solishtirganda hisoblash quvvatini 19% ga, grafikasini 17% ga va SI tezlatkichini 61% ga oshirishni taʼminlaydi. S12 Ultra modeli 23 soatlik ishlashga moʻljallangan 11 600 mA·soat sigʻimli batareya bilan, S12+ versiyasi esa 21 soatgacha avtonomlikka ega 10 600 mA·soatlik akkumulyator bilan taʼminlangan. Ikkala gadjet ham 45 Vt quvvatga ega simli quvvatlanishni qoʻllab-quvvatlaydi.

Qurilmalar One UI 9 xususiy interfeysi va Galaxy AI funksiyalar toʻplamiga ega Android 17 boshqaruvi ostida ishlaydi. Planshetlar kulrang va kumushrang tuslarda, 256 Gbaytdan 1 Tbaytgacha boʻlgan xotirali versiyalarda taqdim etilmoqda. Ishlab chiqaruvchi ular uchun operatsion tizimning yettita yirik yangilanishini chiqarishga vaʼda berdi.