Mozilla yangilangan Nova interfeysiga ega Firefox 157 ni chiqardi

Yangi versiyaning chiqqani haqida dasturchilar 29-sentabr kuni kompaniya blogida xabar berishdi. Interfeys yanada yumaloqroq shakldagi ilovalar, panellar va menyular, yangilangan manzil satri, belgilar hamda pastel rangli gradientlarga ega boʻldi. Windows va macOS tizimlarida yangi dizayn sukut boʻyicha faollashtirilgan, Linux tizimida uni qoʻlda yoqish talab etiladi, foydalanuvchilar esa xohishlariga koʻra uni about:config sozlamalari orqali faolsizlantirishlari mumkin.

Shuningdek, brauzerga kichik displeylarda joyni tejash maqsadida uskunalar panellari va ilovalardagi oraliqlarni qisqartirish imkonini beruvchi ixcham rejim qaytarildi. Mozilla vizual oʻzgarishlar dasturning ishlash tezligiga taʼsir koʻrsatmasligini maʼlum qildi.

Texnik yangiliklar orasida kompaniya mos keluvchi uskunalarda WebRTC orqali videoqoʻngʻiroqlar uchun AV1 formatidagi apparatli dekodlash qoʻllab-quvvatlanishini qoʻshdi. Bundan tashqari, HDR-videoni aks ettirish bilan bogʻliq muammolar bartaraf etildi, oldindan oʻrnatilgan qidiruv tizimlari roʻyxatidan esa Amazon chiqarib tashlandi.