Apple Vision Pro’ning toʻrtta variantdagi yangi versiyasini ishlab chiqmoqda

Bloomberg maʼlumotlariga koʻra, koʻrib chiqilayotgan variantlardan biri hisoblash bloki va akkumulyatorni boshga mahkamlanmaydigan alohida modulga chiqarishni koʻzda tutadi. Shu bilan birga, Apple rahbariyatining bir qismi Vision Pro’ning amaldagi modeliga yaqin monoblok dizayni tarafdori hisoblanadi. Garnitura vaznini kamaytirish uchun kompaniya korpusning turli materiallarini, jumladan titan, plastik va boshqa metallarni sinovdan oʻtkazmoqda.

Loyiha taqdiri ayni paytda uzil-kesil belgilanmagan. Gurmanning taʼkidlashicha, Apple’da ishlanmaning umumiy yoʻnalishi qayta koʻrib chiqilmoqda, shu sababli qurilmaning bozorga chiqarilishiga kafolatlar yoʻq. Maʼqullangan taqdirda, yangi modelning relizi 2028-yil oxiri — 2029-yil boshidan oldin boʻlmasligi prognoz qilinmoqda.

Shu bilan birga, Amerika korporatsiyasi resurslarni ichki ekransiz aqlli koʻzoynaklarni ishlab chiqishga yoʻnaltirmoqda, Vision Pro’ning hozirgi versiyasi esa kompaniya ichida asosan oraliq mahsulot sifatida baholanmoqda.