Oʻzbekistondagi xususiy maktab va OTMlarda shtatdagi inspektorlarni joriy etish taklif qilindi

Idora tashabbusiga koʻra, nodavlat OTMlarda katta profilaktika inspektori va xotin-qizlar masalalari boʻyicha katta inspektor lavozimlarini joriy etishga ruxsat berish taklif etilmoqda. Xususiy maktablar va oʻrta maxsus taʼlim muassasalarida esa voyaga yetmaganlar masalalari boʻyicha inspektor-psixologlar ishlashi mumkin boʻladi.

Huquqbuzarliklar, bulling, zoʻravonlik, giyohvandlik va ekstremistik gʻoyalar taʼsirining oldini olish, shuningdek, pedagoglar hamda ota-onalar bilan birgalikda xavf guruhidagi oʻquvchilar bilan ishlash inspektorlarning vazifalari qatoriga kiradi. Loyihada maktab oʻquvchilari uchun maxsus reyd va tadbirlar koʻzda tutilgan: darslarni muntazam qoldirish holatlarini aniqlash boʻyicha «Davomat», ota-onalarsiz tungi koʻngilochar joylarda boʻlgan voyaga yetmaganlarni izlash boʻyicha «Tungi tekshiruv», taqiqlangan buyumlarni olib qoʻyish va noqonuniy avtomobil boshqarishga chek qoʻyish boʻyicha «Oʻsmir», shuningdek, dars vaqtida jamoat joylaridagi bolalarni aniqlash boʻyicha «Oʻquvchi» tadbirlari.

Oliy taʼlim muassasalarida taqiqlangan buyum va moddalar olib kirilishining oldini olish boʻyicha «Tigʻ» hamda yot gʻoyalar tarqalishidan ogohlantirishga qaratilgan «Oriyet» tadbirlari rejalashtirilgan. Bundan tashqari, xodimlar talabalarning yotoqxonalardagi va ijaraga olingan kvartiralardagi yashash sharoitlarini tekshirishi mumkin boʻladi.