Oʻzbekiston aholisining kreditlar boʻyicha qarzdorligi 2026-yilda 243,6 trln soʻmga yetdi

2026-yil 1-yanvardan 1-sentabrgacha aholi majburiyatlari hajmi 23,3 trln soʻmga — 220,3 trln soʻmdan oshdi. Aholining jami qarzidan 130,8 trln soʻmi davlat moliyaviy muassasalari, 112,8 trln soʻmi esa xususiy banklar hissasiga toʻgʻri keladi.

Fuqarolar qarzdorligining asosiy qismini ipoteka kreditlari tashkil etadi — 89,7 trln soʻm boʻlib, sakkiz oy ichida 12,9 foizlik oʻsishni koʻrsatdi. Mikromoliyaviy qarzlar hissasiga 51,3 trln soʻm (5 foizlik oʻsish), mikrokreditlarga esa 48,2 trln soʻm (19,1 foizlik oʻsish) toʻgʻri kelmoqda. Avtokreditlar 41 trln soʻmni tashkil etdi (+3,2%).

Taʼlim kreditlari hajmi yil boshidan buyon 1,1 foizga qisqarib, 6,85 trln soʻmni tashkil qildi. Isteʼmol kreditlari boʻyicha qarzdorlik 2,1 foizga oshib, 502 mlrd soʻmga yetdi. Boshqa qarzlar, jumladan kredit kartalari va overdraftlar 6,1 trln soʻmni tashkil etdi — ushbu toifaning oʻsishi 38,1 foiz darajasida qayd etildi.

Davlat banklari orasida aholiga eng koʻp kredit bergan bank «Xalq banki» (26,1 trln soʻm) boʻldi, keyingi oʻrinlarni Oʻzbekiston Milliy banki (24 trln soʻm) va «Agrobank» (22,5 trln soʻm) egalladi. Xususiy banklar segmentida esa ushbu koʻrsatkich boʻyicha 30,3 trln soʻm bilan Ipoteka Bank yetakchilik qilmoqda.