Amerikalik bloger MrBeast 9-oktabr kuni Toshkentga tashrif buyuradi

Jamgʻarma maʼlumotlariga koʻra, tadbir 9-oktabrga rejalashtirilgan. Dastur interaktiv oʻyinlar va kam maʼlum boʻlgan faktlar boʻyicha viktorinani oʻz ichiga oladi, ularning gʻoliblariga sovrinlar topshiriladi. Jamgʻarmaning rasmiy havolasi orqali oldindan roʻyxatdan oʻtgan voyaga yetgan fuqarolar ishtirok etishlari mumkin boʻladi. Qatnashchilar tasodifiy sonlar generatori yordamida tasodifiy tarzda tanlab olinadi, shundan soʻng tashkilotchilar ular bilan individual ravishda bogʻlanib, tadbir oʻtkaziladigan joy va aniq vaqtni maʼlum qiladi.

ACDF tashrif kreativ iqtisodiyotni rivojlantirish, yoshlar tashabbuslarini qoʻllab-quvvatlash, raqamli sohalar va media texnologiyalar transferi boʻyicha davlat dasturi doirasida amalga oshirilayotganiga aniqlik kiritdi. Tashkilotchilar ishtirok etish va roʻyxatdan oʻtish bepul ekanini taʼkidlab, firibgarlardan ehtiyot boʻlishga chaqirdi: jamgʻarma bank kartasi maʼlumotlarini, parollarni yoki kirish uchun toʻlovni talab qilmaydi.