Qurilish vazirligi maʼlumotlarga tuzatish kiritdi: Toshkentda noqonuniy koʻp qavatli uylar 720 dan ortiq emas, balki 61 ta

Idoraning aniqlangan maʼlumotlariga koʻra, poytaxtda jami 320 dan ortiq noqonuniy qurilish obyektlari aniqlangan. Koʻp qavatli uylardan tashqari, bu yerga xususiy turar joy binolari, kichik doʻkonlar, doʻkonchalar, pavilyonlar va boshqa inshootlar kiradi. Vazirlikda avval bunday obyektlarning umumiy soni adashib koʻp qavatli uylar soni sifatida keltirilganini tushuntirishdi. «Yoʻl qoʻyilgan xato uchun uzr soʻraymiz», — deyiladi idora xabarida. U yerda jurnalistlar va ijtimoiy tarmoqlardagi xabarlar mualliflaridan yangi maʼlumotlarga tayanish soʻraldi.

720 dan ortiq uylar haqida Qurilish va uy-joy kommunal xoʻjaligi vaziri Sherzod Hidoyatov 13-oktabr kuni Oliy Majlis Qonunchilik palatasidagi «Hukumat soati»da deputatlar savollariga javob berayotganda aytgan edi. Uning soʻzlariga koʻra, 2024-yil oxirida Toshkent shahrining bosh rejasi tasdiqlan guniga qadar koʻplab tadbirkorlar auksionga chiqarilgan yer uchastkalarida, shu jumladan arxitektura organlarining ruxsatisiz turar joy qurishgan. Vazir muammoli obyektlar bilan Bosh prokuratura shugʻullanayotganini maʼlum qildi.

Hidoyatov shuningdek, bunday uylarni foydalanishga topshirish masalasi renovatsiya dasturi kengaytirilgach hamda ularning atrofida zarur infratuzilma, shu jumladan bolalar maydonchalari va avtoturargohlar yaratilgandan keyin koʻrib chiqilishi mumkinligini aytdi. Uning soʻzlariga koʻra, binolarning mustahkamligi instrumental tekshiruv yordamida tekshiriladi.