Namangan viloyatida jabrlangan qizaloqning oilasiga koʻchib oʻtishga yordam beriladi va uy-joy ajratiladi

Uning soʻzlariga koʻra, agentlik mutaxassislari va psixologlari dastlabki kunlardanoq qizaloq va uning onasi bilan ishlamoqda. Oilaga reabilitatsiya va ijtimoiy yordam koʻrsatiladi, onaga taʼlim olish va ishga joylashishda, zarur hollarda esa familiyasini oʻzgartirishda koʻmaklashiladi. Masala Prezident administratsiyasining alohida nazoratida boʻlib, ishga tegishli idoralar jalb etilgan.

Kursiv nashrining Bosh prokuraturaga tayanib xabar berishicha, tergov idora rahbarining shaxsiy nazoratida. Nashr maʼlumotlariga koʻra, bolaga nisbatan zoʻravonlik qilishda bolalar bogʻchasining 52 yoshli xoʻjalik mudiri gumon qilinmoqda. Maktabgacha va maktab taʼlimi vazirligi holatni oʻrganish uchun maxsus guruh tuzdi, bolalar ombudsmani esa xizmat tekshiruvi natijalari boʻyicha choralar koʻrishga hamda xodimlarning javobgarligi masalasini koʻrib chiqishga chaqirdi.

Avvalroq Prezident administratsiyasi rahbari Saida Mirziyoyeva voyaga yetmaganlarga qarshi jinoyatlar uchun javobgarlikni kuchaytirish boʻyicha takliflar tayyorlanayotganini maʼlum qilgan edi.