Mirziyoyev hududlar boʻyicha migrantlar oʻtkazmalaridagi koʻp karrali farqni koʻrsatib oʻtdi

Boshqa hududlarda bitta migrantga toʻgʻri keladigan oʻrtacha oylik oʻtkazma miqdori ham Fargʻonadagidan ancha past: Surxondaryo va Xorazm viloyatlarida — 700 dollardan kam, Jizzax va Navoiyda — 600 dollardan kam, Sirdaryoda — 500 dollardan kam. Prezident xorijda yaxshiroq maosh toʻlanadigan ish topishni istagan fuqarolarni tayyorlash boʻyicha hokimlar, elchilar va texnikumlar rahbarlari yondashuvlarni qayta koʻrib chiqishi lozimligini koʻrsatib oʻtdi.

Davlat rahbarining soʻzlariga koʻra, oʻn yil ichida chet elda band boʻlgan oʻzbekistonliklar soni ikki barobar qisqardi, ularning oilalariga joʻnatayotgan mablagʻlari esa toʻrt baravarga oshdi. Uyushgan mehnat migratsiyasi endi uchtaning oʻrniga 27 ta mamlakatni qamrab olmoqda, xorijiy 400 ga yaqin yirik ish beruvchilar hamkorga aylandi. Yigʻilishda taʼlim muassasalarining Germaniya, Slovakiya, Turkiya va Qatar ish beruvchilari bilan aloqalarining ijobiy tajribasi tilga olindi. Keltirilgan baholashlarga koʻra, jahonda jami 168 millionga yaqin mehnat migranti mavjud.

Markaziy bank maʼlumotlariga binoan, 2025-yilda jismoniy shaxslar xorijdan 18,9 milliard dollar qabul qilib olgan — bu bir yil oldingiga nisbatan 28 foizga yoki 4,1 milliard dollarga koʻp. 2026-yilning yanvar — iyun oylarida 9,3 milliard dollar kelib tushdi, bu 2025-yilning shu davriga qaraganda 13 foizga koʻproq; Buyuk Britaniyadan (62 foizga), Yevropa Ittifoqi mamlakatlaridan (27 foizga) va AQShdan (19 foizga) pul oʻtkazmalari eng tez surʼatlarda oʻsgan.