Oʻzbekistonda oʻsimlik moyini majburiy markirovkalashni joriy etish taklif qilindi

Hujjat loyihasi 24-oktyabrgacha davom etadigan jamoatchilik muhokamasiga qoʻyildi. Markirovkalashni joriy etish maqsadlari sifatida idora mahsulot ishlab chiqarish va sotishni raqamlashtirishni, shuningdek, uni noqonuniy olib kirish, ishlab chiqarish va sotishning oldini olishni koʻrsatmoqda.

Talabni moylarning turli turlariga, jumladan, kungaboqar, paxta, zaytun, soya, palma va raps moylariga tatbiq etish taklif qilinmoqda. Loyihaga koʻra, tovar qadogʻiga GS1 DataMatrix formatidagi kod tushiriladi (toʻgʻridan-toʻgʻri idishga yoki maxsus stiker yordamida). Ishlab chiqaruvchilar, import qiluvchilar, ulgurji va chakana savdo korxonalari Asl belgisi milliy tizimida roʻyxatdan oʻtishlari hamda mahsulotning muomalaga kiritilishi, harakati va muomaladan chiqarilishi haqidagi maʼlumotlarni unga uzatishlari kerak boʻladi. Markirovkalash kodlarisiz tovarlarni sotishni savdo qoidalarini buzish sifatida baholash rejalashtirilmoqda.

Tizim operatori — CRPT Turon kompaniyasi — Soliq qoʻmitasi bilan birgalikda 2027-yil 1-yanvarga qadar roʻyxatdan oʻtgan ishlab chiqaruvchilar va import qiluvchilarga masofadan foydalanish imkoniyatiga ega kodlarga buyurtma berishni boshqarish uskunalarini taqdim etishi shart boʻladi. Shu sanadan boshlab hujjatda markirovkalash kodlarini agregatsiyalashni ishga tushirish koʻzda tutilgan.