Oʻzbekistonning gazlashtirilmagan hududlarida elektr energiyasining bazaviy meʼyori 350 kVt·soatgacha oshiriladi

Ushbu chora gazlashtirilmagan hududlar va gaz yetib bormaydigan joylarga taalluqlidir. Prezident matbuot xizmatining aniqlik kiritishicha, kuz-qish davri uchun qoʻllab-quvvatlash choralari taqdimoti chogʻida bazaviy meʼyordan ortiq sarflangan gaz va elektr energiyasi xarajatlarining bir qismini qoplash muddatini 2028-yil 1-aprelgacha uzaytirish ham taklif etildi. Bir yil ichida ushbu kompensatsiyadan 470 ming oila foydalanishi kutilmoqda.

Bundan tashqari, uchrashuv ishtirokchilari Ijtimoiy reyestrga kiritilmaganlarga elektr energiyasi, koʻmir, gaz va kommunal xizmatlar xarajatlarini kompensatsiya qilishda oilaning bir aʼzosiga toʻgʻri keladigan daromad chegarasini 1,43 million soʻmgacha oshirish masalasini koʻrib chiqdilar. Ushbu choraning hisob-kitobdagi qamrovi qoʻshimcha 166 ming oilani tashkil etadi. Dekabr oyida muhtojlarga bir martalik moddiy yordam toʻlashni koʻrib chiqish ham taklif qilindi.

Sharoiti ogʻir mahallalardagi 3000 ta xonadonni issiqlik izolyatsiyasi qilish va ularni energiya tejovchi uskunalar bilan taʼminlash dasturi davom ettiriladi. Davlat rahbari Vazirlar Mahkamasiga qoʻllab-quvvatlash uchun mablagʻlarni oʻz vaqtida yoʻnaltirish va ularning oluvchilarga yetkazilishini nazorat qilish, shuningdek, tarmoq yoʻqotishlarini kamaytirish hamda energetika korxonalari xarajatlarini maqbullashtirish boʻyicha topshiriq berdi.