Anorbank aksiyadori Interpol orqali xalqaro qidiruvga berildi

Interpolning eʼlon qilingan kartochkasida ayblov moddasi, ishning tafsilotlari va qaysi davlatning soʻroviga koʻra xabarnoma joylashtirilgani koʻrsatilmagan. Avvalroq The Insider nashri oʻz manbasiga tayanib, moliyachining Oʻzbekistonda odam oʻgʻirlash ishi boʻyicha sirtdan hibsga olingani haqida xabar bergan edi, biroq respublika huquqni muhofaza qiluvchi organlari ushbu maʼlumotni rasman tasdiqlamagan.

Anorbank tarqatilayotgan maʼlumotlar aksiyadorning shaxsiy hayotiga tegishli ekanini hamda moliya tashkilotining operatsion faoliyati, kapitali yoki rahbariyatiga taʼsir qilmasligini bildirdi. Bank mijozlar oldidagi majburiyatlarini odatdagi tartibda bajarishda davom etayotganini taʼkidladi.

Oʻzbekiston Markaziy banki ham bank uzluksiz ishlayotganini va prudensial meʼyorlarga rioya qilayotganini maʼlum qildi. Regulyatorning 2026-yil 1-sentabr holatidagi maʼlumotlariga koʻra, bank aktivlari 21,4 trln soʻmni, majburiyatlari esa 19,8 trln soʻmni tashkil etgan, likvidlikni qoplash meʼyori 116% va kapitalning yetarliligi 13% boʻlgan. YATTED maʼlumotlariga koʻra, qidiruvdagi tadbirkorga Anorbank aksiyalarining 49,4 foizi tegishli.