Toshkent, Buxoro va Navoiyda sutkalik harorat rekordlari yangilandi

Oʻzgidromet maʼlumotlariga koʻra, 8-noyabr kuni Navoiyda kunduzgi eng yuqori harorat 30 daraja Selsiyga yetdi. Ushbu sana uchun avvalgi eng yuqori koʻrsatkich — 28,7 daraja — 1992-yilda qayd etilgan edi, shunday qilib yangi koʻrsatkich 1,3 darajaga yuqori boʻldi.

Buxoroda xuddi shu kuni termometrlar 30,6 darajani koʻrsatdi. 8-noyabr uchun oldingi rekord ham 1992-yilga toʻgʻri keladi va 29,5 darajani tashkil etgan edi; farq — 1,1 daraja.

Ikki kun oldin, 6-noyabrda esa poytaxtda rekord yangilandi: Toshkentda 26,9 daraja qayd etildi, 1981-yilda esa 26,4 daraja boʻlgan edi, oshish — 0,5 daraja. Har uchala holatda ham butun noyabr oyi boʻyicha emas, aynan muayyan taqvimiy sana uchun maksimal koʻrsatkichlar haqida soʻz bormoqda.

Podrobno.uz avval xabar berganidek, 9-noyabrdan boshlab mamlakat hududiga sovuq va nam havo oqimi kirib kela boshlaydi. Yaqin kunlarda yomgʻirlar, ayrim joylarda kuchli yomgʻir yogʻishi kutilmoqda, shimolda va togʻlarda qor yogʻishi ehtimoli bor, harorat esa sezilarli darajada pasayadi.