Toshkentdagi Salor kanalida baliqlarning ommaviy nobud boʻlishi qayd etildi

Katta va oʻrtacha kattalikdagi nobud boʻlgan baliqlar 2-oktabr, juma kuni Ekopark yaqinida payqaldi. Ular orasida yovvoyi turlar — zogʻora baliqlar va qorabaliqlar, shuningdek, manzarali koi karplari borligi maʼlum boʻldi. Shu bilan birga, suv yuzasida tirik oʻrdaklar ham boʻlgan.

Yaqin atrofda joylashgan Central Park maʼmuriyati baliqlar kanalga ularning sunʼiy koʻlidan tushib qolgani ehtimolini istisno qildi. Oqim boʻylab yuqoriroqda, yaʼni sentabr oxiridan beri piyodalar hududi qurilayotgan joyda nobud boʻlgan baliqlar qayd etilmagan.

Poytaxt ekologiya boshqarmasi inspektorlari kanal oʻzanini koʻzdan kechirishdi va suv namunalari olishdi. Idoraning monitoring boʻlimi tahliliy laboratoriyasi xodimasi Hidoyat Joʻraboyeva xabar berganidek, kimyoviy tadqiqot natijalari bir necha kun ichida tayyorlanadi. Shahar hokimiyatining maʼlumotlariga koʻra, qonunbuzarliklar aniqlangan taqdirda materiallar huquqiy baho berish uchun huquqni muhofaza qiluvchi organlarga yuboriladi.