Yerevanda MDH davlatlari adliya vazirliklarining hamkorligi toʻgʻrisidagi bitim imzolandi

Yigʻilish yubiley sanasiga toʻgʻri keldi: u Hamdoʻstlik tashkil etilganining 35 yilligi arafasida oʻtkazildi. Unda Armaniston, Belarus, Rossiya, Tojikiston va Oʻzbekiston adliya vazirlari, Qirgʻiziston adliya vazirining birinchi oʻrinbosari, MDH Ijroiya qoʻmitasi vakillari, shuningdek notariat va advokatura boʻyicha tayanch tashkilotlar rahbarlari qatnashdi.

Ishtirokchilar Armanistonning 2026-yilda Kengashga raisligi yakunlarini, FHDY organlarining Uslubiy kengashini tashkil etishni va adliya organlari faoliyatini raqamlashtirishni koʻrib chiqdilar. Toshqulov adliya sohasidagi islohotlarning Oʻzbekiston tajribasi, elektron huquqiy xizmatlar va sunʼiy intellektni joriy etish haqida soʻzlab berdi. Bundan tashqari, Oʻzbekiston Adliya vazirligi tashabbusi bilan ishlab chiqilgan MDH adliya vazirliklari oʻrtasida yagona elektron axborot almashinuvi tizimi konsepsiyasi boʻyicha «yoʻl xaritasi»ning borishi toʻgʻrisida maʼlumot taqdim etildi.

Yigʻilish yakunlari boʻyicha Kengash emblemasi va MDHga aʼzo davlatlarda Huquqiy maʼrifat yili (2027) ramzlari tasdiqlandi, Kengashning 2027-yilga moʻljallangan tadbirlar rejasi qabul qilindi. Unga 2027-yilning may oyida Toshkentda boʻlib oʻtadigan Tashkent Law Spring xalqaro yuridik forumi kiritildi. Imzolangan bitim qonun ijodkorligi, huquqiy axborot, aholiga yuridik yordam koʻrsatish, kadrlarni tayyorlash va ularning malakasini oshirish sohasidagi hamkorlikni mustahkamlashga qaratilgan.