Prezident suv omborlaridagi turizm biznesi uchun imtiyozlar toʻgʻrisidagi qarorni imzoladi

Soliq imtiyozidan tashqari, hujjat tadbirkorlarga bojxona toʻlovlarini toʻlashni 120 kungacha kechiktirish yoki boʻlib-boʻlib toʻlash imkonini beradi. Bu suvda ishlash uchun GPS uskunalari, qutqaruv va himoya anjomlari, shuningdek, zamonaviy sanitariya-gigiyena modullarini olib kirishga tegishlidir.

Shu bilan birga, turizm obyektlari egalariga dam oluvchilarning xavfsizligi boʻyicha majburiyatlar yuklanadi. Hududda qutqaruv qayiqlari, kuzatuv minoralari, chuqurlik koʻrsatkichlari, xavfli ob-havo belgilari, videokameralar va sunʼiy intellektga asoslangan tizimlar boʻlishi kerak. Tadbirkor oʻz qutqaruv xizmatini tashkil etishi yoki shartnoma asosida professional qutqaruvchilarning navbatchiligini yoʻlga qoʻyishi shart. Kichik hajmli kemalar va ularning toʻxtash joylaridan foydalanishda amaldagi xavfsizlik meʼyorlariga rioya qilish lozim.

Qarorning ekologik qismi obyektlarni ichki kanalizatsiya va lokal tozalash inshootlari bilan jihozlashni talab qiladi. Oqova suvlarni toʻgʻridan toʻgʻri suv havzalariga oqizish taqiqlanadi, suvni muhofaza qilish zonalarida va qirgʻoqboʻyi hududlarida amaldagi cheklovlarga rioya qilish, maishiy chiqindilarni esa belgilangan tartibda yigʻish va utilizatsiya qilish zarur.