III chorakda Oʻzbekistondan eksport avtotashuvlariga talab 29 foizga oshdi

Xizmat maʼlumotlariga koʻra, iyul–sentabr oylarida eksport tashuvlari stavkalari yillik hisobda 10 foizga oʻsdi. 2026-yilning toʻqqiz oyida boshqa mamlakatlarga yuk yetkazib berishga boʻlgan talab 11 foizga koʻtarildi. Eng katta oʻsish Belarus yoʻnalishida qayd etildi — 80 foiz, Rossiyaga arizalar soni esa 26 foizga oshdi (Spot.uz va UzDaily maʼlumotlariga koʻra — toʻrtdan biriga).

Import avtotashuvlari segmentida toʻqqiz oy ichida arizalar soni 16 foizga oshdi, biroq uchinchi chorakda 8 foizlik pasayish qayd etildi. Iyul va avgust oylaridagi pasayishdan soʻng, sentabr oyida faollik 39 foizga oshdi. Rossiya yoʻnalishida sentabr oyida importga buyurtmalar soni 47 foizga oshdi (Spot.uz va UzDaily maʼlumotlariga koʻra — deyarli 1,5 baravar), ammo Rossiya boʻyicha choraklik koʻrsatkich 4 foizga kamaydi. Uchinchi chorakda Oʻzbekistonga yuk yetkazib berish narxlari 2025-yilning shu davriga nisbatan 2 foizga oshdi.

Ichki bozorda uchinchi chorakda Oʻzbekiston boʻylab yuk tashish boʻyicha arizalar soni ikkinchi chorakka nisbatan 12 foizga oshdi. ATI.SU'ning respublikadagi vakolatxonasi direktori Farid Vaxidov importning tebranishlarini Rossiya yoʻnalishidagi yozgi dizel yoqilgʻisi taqchilligi bilan bogʻladi, bu boradagi vaziyat sentabr oyida yaxshilandi. Platformada, shuningdek, koʻrsatkichlar dinamikasiga mahalliy kompaniyalarning raqamli xizmatlarga oʻtishi ham taʼsir koʻrsatayotgani taʼkidlandi.