Toshkentda yana toʻrtta uchastkada BRT tasmalarini tashkil etish rejalashtirildi

Maʼmuriyat maʼlumotlariga koʻra, tegishli qismlar jamoat transporti yoʻnalishlari oʻtgan 150 km dan ortiq yoʻllar tahlil qilinganidan soʻng tanlab olindi. Roʻyxatga Muqimiy (4,6 km), Qoratosh va Koʻkcha Darvoza (4,2 km) hamda Parkent (2,8 km) koʻchalari, shuningdek, Mirzo Ulugʻbek shohkoʻchasi (6,3 km) kiritildi.

Poytaxt hokimi loyiha boʻyicha qarorni imzolab boʻldi, hozirgi vaqtda loyiha hujjatlarini tayyorlash uchun byudjet shakllantirilmoqda. Ushbu ishlarning dastlabki qiymati taxminan 6,5 mlrd soʻmga baholanmoqda, mazkur mablagʻlarni Toshkent shahrini rivojlantirish jamgʻarmasi mablagʻlaridan ajratish moʻljallangan. Buyurtmachi sifatida “Toshkent invest kompaniyasi” AJ belgilanishi koʻzda tutilgan, loyihachilar, pudratchilar va texnik nazorat xizmatlari esa tanlov tartib-taomillari orqali aniqlanadi.

Qurilish ishlari boshlanishidan oldin mutaxassislar zarur hollarda ularni taʼmirlash yoki almashtirish maqsadida kommunal tarmoqlar va muhandislik kommunikatsiyalarini tekshiruvdan oʻtkazadilar. Loyihada bekatlar, piyodalar yoʻnalishlari, yoritish va koʻrsatkichlarni tashkil etish, shuningdek, polimer-shagʻal-mastikali asfaltbeton yotqizgan holda qatnov qismini taʼmirlash nazarda tutilgan.