Namanganda zamonaviy avtobuslar soni 130 taga yetdi

Avtoparkning kengayishi “Firdavs trans servis” kompaniyasi tomonidan 12 dona Yutong rusumli avtobus xarid qilinishi hisobiga amalga oshirildi, bu esa 25 dan ortiq yangi ish oʻrinlarini yaratish imkonini berdi. Ularning taqdimotida Namangan viloyati hokimi Shavkat Abdurazzoqov, soha tashkilotlari hamda huquq-tartibot organlari vakillari ishtirok etdi.

Bundan tashqari, sentabr oyida “Turon-95 MBI” kompaniyasi 10 dona Zhongtong rusumli elektrobusni foydalanishga topshirdi. Harakat tarkibini yangilash prezidentning 2023-yil 16-fevraldagi jamoat transportini isloh qilish toʻgʻrisidagi qarori ijrosi doirasida amalga oshirilmoqda. Oxirgi ikki yil ichida shaharga jami 108 ta zamonaviy avtobus olib kelindi, oʻnta shahar yoʻnalishida esa tashuvlar brutto-shartnoma tizimi asosida yoʻlga qoʻyildi.