Rockstar Games GTA VI oʻyinining reliz treylerini taqdim etdi

Rolikda koʻrsatilgan barcha kadrlar toʻgʻridan-toʻgʻri PlayStation 5 konsolida yozib olingan. Videoning musiqiy hamrohi sifatida Fransiyaning Justice elektron dueti tomonidan Tame Impala, SZA hamda King Gizzard & The Lizard Wizard ishtirokida ijro etilgan «Flower in a Hurricane» kompozitsiyasi yangradi. Duet, shuningdek, oʻyinning original saundtreki muallifi ham boʻldi.

Loyiha relizi PlayStation 5 va Xbox Series X|S oʻyin pristavkalarida 80 dollardan 100 dollargacha boʻlgan narxda rejalashtirilgan. Shaxsiy kompyuterlar uchun moʻljallangan versiyaning rasmiy anonsi hozircha boʻlmadi, biroq Kod.ru nashrining GamesBeat maʼlumotlariga tayanib xabar berishicha, uning chiqishi 2027-yilning birinchi choragida amalga oshishi mumkin.

Oʻyinni yaratish sakkiz yildan ortiq davom etdi. Ushbu davr mobaynida Rockstar dasturchilar jamoasi 4711 nafar xodimga yetdi, studiya shtati esa deyarli ikki barobar kengaydi. Loyiha budjeti rasman oshkor qilinmagan, biroq Bloomberg baholariga koʻra, xarajatlar 1 milliard dollardan oshgan boʻlishi mumkin.