Garmin 2500 dollardan boshlanuvchi MARQ Gen 3 smart-soatlari qatorini taqdim etdi

MARQ Gen 3 seriyasidagi barcha modellar sapfir oynali Grade 5 titan korpusida ishlab chiqarilgan va 1,4 dyuymli AMOLED-displey bilan jihozlangan. Aqlli soat rejimida qurilmalar quvvatsiz 18 kungacha ishlashga moʻljallangan (iXBT.com maʼlumotlariga koʻra, doimiy yoniq ekran rejimida — 7 kun). Qurilmalar 128 GB ichki xotira, svetodiodli fonarchik, mikrofon va dinamik, inReach sunʼiy yoʻldosh aloqasi moduli, shuningdek, EKG qayd etish, qondagi kislorod darajasini oʻlchash va pulsni kuzatish funksiyalariga ega boʻldi.

Kolleksiya oltita variantni oʻz ichiga oladi: Adventurer, Athlete, Aviator, Commander, Diver va Golfer. Modifikatsiyalar keramik bezelning bezatilishi, tasmalar va ixtisoslashgan funksiyalari bilan farqlanadi. Xususan, MARQ Diver 40 metrgacha boʻlgan chuqurlikka shoʻngʻishni qoʻllab-quvvatlaydi, Golfer versiyasi esa 43 mingta golf maydoni haqidagi maʼlumotlarni oʻz ichiga olgan.

Soatlarning narxi Athlete modeli uchun 2500 dollar, Adventurer uchun 2700 dollar, Golfer uchun 2800 dollarni tashkil etadi, qolgan uchta versiya esa 3100 dollarga baholangan. Kod.ru nashrining xabar berishicha, soatlar allaqachon sotuvga chiqarilgan, ammo iXBT.com maʼlumotlariga koʻra, sotuvlarning boshlanishi dekabr oyiga rejalashtirilgan.