CMF brendi ilk portativ dinamiklari — Speaker S va Speaker M’ni taqdim etdi

Kichik model Speaker S 334 gramm tosh bosadi va ikkita passiv nurlatgichga ega diametri 45 mm, quvvati 10 Vt boʻlgan keng polosali dinamik bilan jihozlangan. Vazni 602 gramm boʻlgan kattaroq Speaker M esa koʻtarib yurish tutqichi, 10 Vt quvvatli 16 millimetrli tviter hamda 25 Vt quvvatli 70 millimetrli vuferga ega boʻldi.

Har ikkala qurilma ham IP68 standarti boʻyicha suv va changdan himoyalangan hamda 18 soatgacha avtonom ishlashga moʻljallangan. Tezkor quvvatlash koʻzda tutilgan: 10 daqiqa ulanish bir soat ijro etishni taʼminlaydi. Ovoz uzatish Bluetooth yoki USB Type-C kabeli orqali mavjud, shuningdek, NFC orqali tezkor ulanish, Google Fast Pair, Microsoft Swift Pair va bir xil modellar oʻrtasida stereojuftlikka sinxronlashtirish qoʻllab-quvvatlanadi.

Old panelni va korpusdagi koʻp funksiyali regulyatorni yechib olish hamda ishlab chiqaruvchining rasmiy fayllari asosida 3D-printerda chop etilgan detallar bilan, jumladan boshqa elementlarga almashtirish mumkin. Yangi mahsulotlar oq, toʻq kulrang, toʻq sariq va feruza ranglarda taklif etilmoqda. AQShda Speaker S narxi qariyb 60 dollarni (3DNews maʼlumotlariga koʻra — 59 dollar), Speaker M esa 109–110 dollarni tashkil etadi.