SpaceX Starlink mobil tarmogʻini rivojlantirish uchun chastotalarni sotib olmoqda

Sotib olinayotgan litsenziyalar portfeli AQSH hududidagi 800 MGts diapazonidagi chastotalarni (14 MGts gacha boʻlgan juftlashgan spektr) oʻz ichiga oladi. SpaceX past chastotalar signalni uzoq masofalarga uzatish va bino konstruksiyalaridan oʻtgan holda binolar ichida aloqani yaxshiroq taʼminlash imkonini berishini taʼkidladi. Korxona qoʻshimcha sunʼiy yoʻldosh uskunalarisiz oddiy smartfonlarga aloqa xizmatini taqdim etish uchun Starlink sunʼiy yoʻldosh guruhini yer usti infratuzilmasi bilan birlashtirishni rejalashtirmoqda.

“Bu SpaceX uchun Amerikada toʻliq telefon qamrovini taʼminlashga kerak boʻlgan chastota spektrining soʻnggi eng muhim elementidir”, — dedi Ilon Mask. Bitimni yakunlash uchun tomonlar AQSH Federal aloqa komissiyasining (FCC) roziligini olishlari kerak. Avvalroq kompaniya EchoStarʼdan 2 GGs diapazonidagi chastotalarni ham sotib olgan edi.

Bundan tashqari, FCC regulyatori SpaceXʼga jami 15 mingta ikkinchi avlod Starlink sunʼiy yoʻldoshlarini joylashtirishga ruxsat berdi. Kompaniyaning taʼkidlashicha, ularning oʻtkazuvchanlik qobiliyati oldingi seriyadagi apparatlar koʻrsatkichlaridan 100 baravardan koʻproqqa yuqori boʻladi. Starlink Mobile tarmogʻini yaratish rejalari haqidagi yangiliklar fonida Verizon, AT&T va T-Mobile operatorlarining umumiy bozor kapitallashuvi taxminan 62 milliard dollarga qisqardi, deb xabar beradi Financial Times.