OpenAI’ning sentabr oyi oxiridagi yillik daromad sur’ati 50 mlrd dollarni tashkil etdi

Avvalroq OAVda ushbu koʻrsatkich 70 mlrd dollar darajasida baholangani aytilgan edi. Nashrlarning maʼlum qilishicha, raqamlardagi tafovut hisoblash usullarining turlichaligi bilan bogʻliq: raqobatchi Anthropic yillik daromad sur’atiga Amazon va Google Cloud kabi bulutli hamkorlar orqali amalga oshirilgan savdolarni kiritadi, OpenAI esa bu tushumlarni formuladan chiqarib tashlaydi. Bundan tashqari, baza bahosi ham toʻgʻrilandi: iyul oyida startapning yillik daromad sur’ati 40 mlrd dollar emas, balki qariyb 30 mlrd dollar darajasida boʻlgan, bu esa sentabr oxiriga kelib koʻrsatkichning deyarli 70% ga oʻsishiga olib keldi.

Bloomberg maʼlumotlariga koʻra, kompaniya korporativ segmentning rivojlanishi tufayli 2026-yil oxiriga kelib yillik hisobda 70 mlrd dollar yoki undan yuqori koʻrsatkichga erishishni kutmoqda. Shu bilan birga, OpenAI yangi bosqichgacha biznesi taxminan 1,4 trln dollarga baholangan holda kamida 30 mlrd dollar investitsiya jalb qilish boʻyicha muzokaralar olib bormoqda.

Taqdimotda, shuningdek, 2030-yilgacha kompaniyaning umumiy xarajatlari ishlab topilgan mablagʻdan qariyb 280 mlrd dollarga koʻp boʻlishi qayd etilgan. Oʻn yillik oxiriga kelib OpenAI’ning yillik daromad koʻrsatkichi 350 mlrd dollargacha oʻsishi kutilmoqda.