Natura startapi 99 dollarlik Interface aqlli uzugini taqdim etdi

Qurilma smartfonni choʻntakdan chiqarmasdan turib sunʼiy intellekt xizmatlariga ovozli buyruqlar berish uchun jismoniy tugma bilan jihozlangan. Savdo boshlanishi vaqtida Muse, Instinct, Grok, Claude va ChatGPT sunʼiy intellekt agentlari bilan ishlash qoʻllab-quvvatlanishi maʼlum qilingan. Javoblar ulangan quloqchinlar orqali yangrashi, Live Activities yordamida smartfon ekranida yoki NatureOS ilovasida aks etishi mumkin.

Gadjet shuningdek faollik trekeri vazifalarini bajaradi: yurak qisqarishlari chastotasi, puls oʻzgaruvchanligi, uyqu bosqichlari, jismoniy yuklama darajasi va teri haroratini kuzatib boradi. Oʻrnatilgan akkumulyator 6 kundan 12 kungacha ishlashga moʻljallangan, qurilmaning toʻliq quvvatlanish vaqti esa 100 daqiqani tashkil etadi.

Gadjetga oldindan buyurtma berish noyabr oyida ochiladi, yetkazib berish esa dekabr yoki yanvar oylariga rejalashtirilgan. Savdolar boshida uzuk 99 dollarga baholanmoqda (Habr va iXBT.com maʼlumotlariga koʻra — 100 dollar), keyinchalik narx oshadi. Uch oydan olti oygacha boʻlgan bepul dastlabki davrdan soʻng ishlab chiqaruvchi oyiga 9 dollar miqdorida oylik obuna toʻlovini joriy qilmoqchi.