“Roskosmos” beshta koinot obyektining vizualizatsiyasini koʻrsatdi

Vizualizatsiyalar Rossiya Fanlar akademiyasi Koinot tadqiqotlari instituti mutaxassislarining kuzatuvlari va hisob-kitoblariga tayangan holda ishlab chiqilgan. Roʻyxatga koʻrinadigan spektrda qayd etish qiyin yoki imkonsiz boʻlgan obyektlar kiritildi: qora tuynukli Swift J1727.8−1613 qoʻshaloq tizimi, SRGA J144459.2−604207 millisekundlik rentgen pulsari, M101 galaktikasidagi SN 2023ixf oʻta yangi yulduzi, SRGA J230631.0+155633 kvazari, shuningdek, Gerkules X-1 qoʻshaloq tizimi.

ART-XC teleskopi Quyosh — Yer tizimining L2 Lagranj nuqtasi hududida, sayyoradan qariyb 1,5 million kilometr masofada joylashgan “Spektr-RG” kosmik rasadxonasi bortida joylashgan. Qurilma koinot fazosini qattiq rentgen diapazonida tadqiq qiladi va hozirgi vaqtga qadar osmonning sakkizta toʻliq sharhini amalga oshirdi.

Fundamental tadqiqotlardan tashqari, teleskop dasturining bir qismi avtonom kosmik navigatsiya tizimlarini sinovdan oʻtkazishga qaratilgan. Kelajakda sayyoralararo apparatlarga Yer bilan doimiy aloqa seansisiz koordinatalarni aniqlash imkonini beruvchi tayanch signallar sifatida yakkalangan pulsarlardan chiquvchi impulslardan foydalanish rejalashtirilmoqda.