Nvidia 64 GB xotiraga ega DGX Spark mini-PKni 4999 dollardan boshlanuvchi narxda taqdim etdi

Mini-PKning yangi versiyasi savdosi 2026-yil 23-oktabrdan boshlab hamkor kompaniyalar: Acer, Asus, Dell, Gigabyte, HP va MSI orqali boshlanadi. Ular mintaqaviy narxlar va qurilmaning aniq konfiguratsiyalarini mustaqil ravishda belgilaydilar.

Tizim GB10 Grace Blackwell protsessori, ConnectX-7 tarmoq adapteri bilan jihozlangan hamda Nvidia AI dasturiy taʼminotlar toʻplamiga ega DGX OS operatsion tizimi boshqaruvida ishlaydi. Ishlab chiqaruvchining maʼlumotlariga koʻra, bitta bunday qurilma 100 milliardgacha parametrlarga ega SI-modellarni lokal tarzda ishga tushirishga qodir. Bundan tashqari, tarmoq adapteri orqali kompyuterlarni toʻgʻridan-toʻgʻri klasterga birlashtirish qoʻllab-quvvatlanadi.

128 GB xotiraga ega original DGX Spark Founders Edition versiyasi savdolar boshida 3999 dollar turgan, 2026-yil fevral oyida esa xotira chiplari taqchilligi tufayli Nvidia uning tavsiya etilgan narxini 4699 dollargacha oshirgan edi. Shu bilan birga, avvalroq chakana savdoda hamkorlar tomonidan ishlab chiqarilgan tizimlar oʻrtacha 6000 dollardan taklif qilingan edi.