SpaceX 2030-yildan keyin Crew Dragon parvozlarini toʻxtatish rejalari haqida xabardor qildi

Kompaniyaning qarori haqida kosmik soha ishtirokchilariga tayanib jurnalist Erik Berger maʼlum qildi. Uning maʼlumotlariga koʻra, SpaceX parvozlarni toʻxtatish toʻgʻrisida NASA hamda yer atrofi orbitasiga va xususiy stansiyalarga parvozlar uchun kemalardan foydalanishni rejalashtirgan Axiom Space, Voyager Space va Vast Space kabi tijoriy buyurtmachilarni oldindan ogohlantirgan.

Bergerning taʼkidlashicha, dastlab SpaceX bilan tuzilgan shartnoma oltita missiyani bajarishni nazarda tutgan edi, biroq kompaniya allaqachon oʻnlab parvozlarni amalga oshirdi va uni dasturni davom ettirishga majburlash uchun qonuniy mexanizmlar mavjud emas. Shu bilan birga, kompaniya NASAning qatʼiy sertifikatlashtirish talablari, jumladan avariya holatida qutqaruv tizimining mavjudligi zarurati tufayli yaqin kelajakda odamlarni yer atrofi orbitasiga yetkazish uchun Starship tizimidan foydalanishdan ham manfaatdor emas.

Shu bilan birga, Xalqaro kosmik stansiyaga navbatdagi Crew-13 missiyasining uchirilishi 2026-yil 1-oktyabrga rejalashtirilgan. Dragon kemasi ekipaji tarkibiga Jessika Uotkins, Lyuk Delani, Joshua Kutrik va Sergey Teteryatnikov kirdi.