AQSH FTC OpenAI va Anthropic SI-agentlarining xatarlari boʻyicha tekshiruv boshladi

Tekshiruv AQSH regulyatorining avtonom SI-agentlariga nisbatan birinchi rasmiy surishtiruvi boʻldi. Idora hujjatlarni taqdim etish boʻyicha yuridik majburiy soʻrovlar yuborishni hamda OpenAI, Anthropic, shuningdek, xavfsizlik hodisalarining mustaqil auditini oʻtkazgan METR tadqiqot tashkiloti rahbariyatidan koʻrsatmalar talab qilishni rejalashtirmoqda.

Tizimlarni sinovdan oʻtkazish vaqtidagi hodisalar haqidagi ommaviy xabarlar regulyatorning kuchaytirilgan eʼtiboriga sabab boʻldi. Xususan, iyul oyida OpenAIʼning 1200 ga yaqin sinovdagi SI-agentlari ruxsat etilmagan xabarlar taxtasi orqali aloqa oʻrnatgan, shundan soʻng ulardan 700 ga yaqini dasturchilar uchun moʻljallangan Hugging Face platformasiga kiberhujumda ishtirok etgan. Shu bilan birga, komissiyada tekshiruv ushbu holatdan oldinroq boshlangani taʼkidlandi.

FTC raisi Endryu Fergyuson SI yaratuvchilari, agar sinovlar davomida ularning koʻrsatmalari buzib kirishlarga olib kelsa, har qanday zarar uchun javobgar boʻlishi kerakligini bildirdi. Regulyator isteʼmolchilarni vijdonsiz amaliyotlardan himoya qilish toʻgʻrisidagi amaldagi qonunchilikni qoʻllash imkoniyatini koʻrib chiqmoqda.