Huawei Mate 90 flagman smartfonlar lineykasini taqdim etdi

Qurilmalar savdosi Xitoyda 1-oktabrdan boshlandi, bu haqda ishlab chiqaruvchining taqdimotiga tayanib sohaviy nashrlar xabar berdi. Lineykaga bazaviy Mate 90, Pro, Pro Max versiyalari, Collector's Edition kolleksiya nashri, shuningdek Mate 90 RS Ultimate Design kirdi. Seriyaning bazaviy versiyasi narxi Xitoyda 5999 yuandan boshlanadi.

Lineykaning yuqori modellari oʻzining Kirin 9050 Pro (3DNews ma'lumotlariga koʻra — Kirin 9050) protsessorlari va eng yuqori yorqinligi 12 000 nitgacha boʻlgan 6,9 dyuymli tandem OLED displeylariga ega boʻldi. Pro Max modelidagi akkumulyatorlar sigʻimi 6800 mA·soatni tashkil etadi va u 100 Vt quvvatli simli hamda 50 Vt quvvatli simsiz quvvatlashni qoʻllab-quvvatlaydi. Bazaviy Mate 90 modeli Kirin 9030 chipi, 6,75 dyuymli displey va 6600 mA·soatlik batareya bilan jihozlangan.

Collector's Edition modeli uchun kompaniya bir dyuymli datchik va fokus masofasi 24–240 mm boʻlgan optikaga ega Ruiying Z10 tashqi olinadigan kameralar blokini qoʻllab-quvvatlashini e'lon qildi. Seriyadagi barcha smartfonlar IP68 va IP69 standartlari boʻyicha suv va changdan himoyalangan, shuningdek eSIM texnologiyasi bilan ishlashni qoʻllab-quvvatlaydi.