YAIDXPda rasmiylashtirilgan bank kartalarini tekshirish xizmati ishga tushirildi

Yangi funksiya my.gov.uz portalida avtorizatsiyadan oʻtgandan soʻng shaxsiy kabinetda mavjud boʻladi. Xizmat jismoniy plastik kartalar hamda banklarning ilovalarida masofadan ochilgan virtual kartalar haqidagi maʼlumotlarni koʻrsatadi. Hozirgi vaqtda boʻlim test rejimida ishlamoqda va faqat Oʻzbekiston rezidenti boʻlgan banklarning kartalarini aks ettiradi.

Kartalar ikki guruhga boʻlingan: "Tasdiqlangan" (portal bilan integratsiyani yakunlagan banklarda yoki "Bank kartasiga buyurtma berish" xizmati orqali rasmiylashtirilgan) va "Tasdiqlanmagan" (texnik integratsiyani hali yakunlamagan banklarning kartalari). Foydalanuvchilar amal qilish muddati tugayotgan kartalarni kuzatib borishlari va qayta chiqarish uchun onlayn ariza yuborishlari mumkin.

Boʻlimning joriy etilishi Shavkat Mirziyoyevning "Aholiga davlat xizmatlarini koʻrsatishni takomillashtirish va fuqarolar uchun qoʻshimcha qulayliklar yaratish chora-tadbirlari toʻgʻrisida"gi iyul oyidagi qarorida nazarda tutilgan. Hujjatda 1-oktabrdan boshlab rasmiylashtirilgan kartalar va telefon raqamlari toʻgʻrisidagi maʼlumotlarni aks ettirishni yoʻlga qoʻyish belgilangan edi.