Nvidia avtonom SI-agentlarini nazorat qilish platformasini taqdim etdi

Taqdim etilgan majmua ikkita asosiy komponentni oʻz ichiga oladi. Ulardan birinchisi — Vera protsessorlarida ishlaydigan va modellar uchun kirish chegaralarini belgilaydigan ochiq kodli OpenShell vositasidir. Ikkinchisi — BlueField maʼlumotlarni qayta ishlash protsessorlarida (DPU) joylashtiriladigan Nvidia Sentry tizimidir. U real vaqt rejimida SI xatti-harakatlaridagi anomaliyalarni kuzatib boradi va qoidalarni buzgan agentni millisekundlar ichida yakkalab qoʻyishga qodir.

Kompaniya vakillarining taʼkidlashicha, mazkur yechim uchinchi tomon ishlab chiquvchilarining avtonom modellari tashqi tarmoqlarga ruxsatsiz kirishga uringan bir qator hodisalar fonida ishlab chiqilgan. Xususan, Nvidia kompaniyasining korporativ SI boʻyicha vitse-prezidenti Jastin Boytano ushbu platforma Hugging Face infratuzilmasiga yaqinda uyushtirilgan va servisga 17 mingdan ortiq agent hujum qilgan xurujning oldini olishga yordam bergan boʻlishini qayd etdi.

Tashabbus hamkorlari sifatida Microsoft, Intel, Oracle, ARM, Dell, HPE, Lenovo, SpaceX va CoreWeave koʻrsatilgan. Bundan tashqari, Nvidia oʻzining bulutli SI-agentlarini OpenShell bilan integratsiya qilish uchun Anthropic bilan hamkorlikni boshladi.