Toyota butun dunyo boʻylab oʻz zavodlarida 400 ming robotni joriy qiladi

Nikkei Asia nashrining xabar berishicha, ushbu yangilik global ishlab chiqarishni modernizatsiya qilishning bir qismiga aylanadi. Bevosita Toyota obyektlarida 150 ming robotni jalb etish rejalashtirilmoqda, yana 250 ming nafari esa guruhning boshqa korxonalari zavodlariga joylashtiriladi.

2028-yildan boshlab kompaniya butun dunyo boʻylab ishlab chiqarish maydonchalarini yangilash va qayta jihozlash uchun har yili 1 trln iyen (6 mlrd dollardan ortiq) mablagʻ yoʻnaltirmoqchi.

ELEY (Embodied Learning robot for Enhanced Yield) roboti taxminan 50 kg tosh bosadi, gʻildirakli platformada harakatlanadi, akkumulyator yoki elektr tarmogʻidan ishlaydi va ikki «barmoqli» ikkita qoʻl bilan jihozlangan. Qurilma detallarni ushlab olish va koʻchirish, mato bilan ishlash hamda tirik mutaxassislarning harakatlari asosida harakatlarni oʻrganishga qodir. Maʼlumotlarni toʻplash uchun ishlab chiqarish liniyalaridagi ishchilar qurilma manipulyatorlariga taqlid qiluvchi maxsus moslamalarni taqib olishadi.

Toyota ijrochi vitse-prezidenti Hiroki Nakajima avtoishlab chiqaruvchi korxonalarda xodimlarning oʻrnini bosish emas, balki robotlar insonlar bilan hamkorlik qiladigan sharoitlarni yaratishga intilayotganini taʼkidladi.