Oʻzbekiston va Yaponiya davlat xizmatchilari uchun JDS dasturini rivojlantirishni muhokama qildi

Dasturni takomillashtirish masalalarini Oʻzbekiston Respublikasi Prezidenti huzuridagi Boshqaruv samaradorligi agentligi direktori vazifasini bajaruvchi U. Husainov va JICE kompaniyasining Oʻzbekistondagi JDS loyihasi ofisi mintaqaviy rahbari Tomomi Igarashi koʻrib chiqdi.

Tomonlar 2027–2028-oʻquv yili uchun nomzodlarni saralab olish hamda taʼlim yoʻnalishlarini ekologik barqarorlik va iqlim oʻzgarishi sohalariga moslashtirishga eʼtibor qaratdi. Shuningdek, seysmik xavfni boshqarish, favqulodda vaziyatlarga tayyorgarlik, barqaror infratuzilma yaratish, raqamli egizaklar (Digital Twins), geoinformatsion tizimlar va intellektual transport tizimlari sohalarida Yaponiya tajribasini oʻrganish muhokama qilindi.

Prezident topshirigʻiga binoan, Boshqaruv samaradorligi agentligi davlat xizmatchilarining xorijda taʼlim olishiga imkon beruvchi xalqaro stipendiya dasturlarining milliy hamkori vazifasini bajaradi. Agentlik vakili, shuningdek, loyihaning tashkiliy qoʻmitasiga rahbarlik qildi. Bundan tashqari, uchrashuv ishtirokchilari JDS bitiruvchilari mamlakatga qaytganidan soʻng ularning davlat boshqaruvi tizimidagi faoliyatini monitoring qilish mexanizmlarini koʻrib chiqdilar.