Ilya Sibirsev Toshkentdagi suzish boʻyicha Jahon kubogi bosqichida bronza medalini qoʻlga kiritdi

Sportchi 800 metrga erkin usulda suzish masofasida bronza medalini qoʻlga kiritib, uni 7 daqiqa 40,77 soniyada bosib oʻtdi. Ushbu mukofot Oʻzbekiston terma jamoasi uchun mazkur turnirdagi birinchisi boʻldi.

Ushbu masofada birinchi oʻrinni 7 daqiqa 37,83 soniya natija bilan belgiyalik Lukas Xenvo egalladi, ikkinchi boʻlib esa 7 daqiqa 40,38 soniya koʻrsatkich bilan AQSh vakili Karson Foster marraga yetib keldi.

Jahon kubogi bosqichi Oʻzbekistonda ilk bor tashkil etilmoqda. Musobaqalarda 40 ta mamlakatdan 230 nafar suzuvchi ishtirok etmoqda, turnir 10-oktabrgacha davom etadi.