Oʻzbekiston futbol terma jamoasi FIFA reytingida 59-oʻrinni egalladi

FIFA maʼlumotlariga koʻra, Oʻzbekiston jamoasi oʻz hisobiga 6,88 ball qoʻshib, 1416,61 ball toʻpladi. Eron va Suriya terma jamoalariga qarshi gʻalabali oʻrtoqlik uchrashuvlari jamoaga mos ravishda 6,83 va 3,75 ball keltirdi, Janubiy Koreya terma jamoasidan uchralgan magʻlubiyat esa 3,70 ball chegirilishiga olib keldi.

Osiyo mintaqasida Oʻzbekiston terma jamoasi oltinchi pogʻonada bormoqda. Undan yuqoriroqda Yaponiya (umumiy hisobda 17-oʻrin), Eron (23-oʻrin), Avstraliya (26-oʻrin), Koreya Respublikasi (32-oʻrin) va Saudiya Arabistoni (55-oʻrin) jamoalari joylashgan. Oʻzbekiston terma jamoasidan keyin Qatar (60-oʻrin), Iroq (63-oʻrin) va BAA (65-oʻrin) bormoqda.

Jahon roʻyxatini Ispaniya boshqarmoqda, ikkinchi oʻrinda Argentina, uchinchi oʻrinda Fransiya, toʻrtinchi oʻrinda Angliya joylashgan. Kuchli beshlikni Braziliya va Marokashni mos ravishda oltinchi va yettinchi oʻrinlarga surib qoʻygan Portugaliya terma jamoasi yakunladi.