Oʻzbekiston Markaziy banki sentabr oyida sakkizta bankni jarimaga tortdi

Jarimalar prudensial meʼyorlar va qonunchilik talablariga rioya etilmagani, shuningdek, inspeksiya tekshiruvlari davomida aniqlangan qoidabuzarliklar yakunlari boʻyicha belgilandi. Regulyator jarimaga tortilgan kredit tashkilotlarining nomlari va undiruvlar miqdorini oshkor qilmadi.

Bir oy ichida qoʻmita sakkizta yigʻilish oʻtkazdi va 37 ta masalani koʻrib chiqdi. Ulardan 21 tasi roʻyxatga olish va ruxsat berish jarayonlariga, jumladan, mikromoliya tashkilotlarini roʻyxatga olish va akkreditatsiyadan oʻtkazish, toʻlov tashkilotlariga litsenziyalar berish, kredit tuzilmalari ustavlariga oʻzgartirishlar kiritish, ustav kapitalidagi ulushlarga ruxsatnomalar hamda banklardagi rahbarlik va asosiy lavozimlarga toʻqqizta nomzodni kelishishga tegishli boʻldi.

Qolgan 16 ta masala kredit va toʻlov tashkilotlarining moliyaviy holati, Markaziy bank koʻrsatmalari hamda prudensial meʼyorlarining bajarilishi, inspeksiya natijalari va «tartibga solish qumdoni»da moliyaviy xizmatlarni sinovdan oʻtkazishga doir masalalarni qamrab oldi.