Oʻzbekiston va IHTT soliq maʼlumotlarini xalqaro almashish masalasini muhokama qildi

Muzokaralarning asosiy mavzusi Kriptoaktivlar boʻyicha hisobot berishning hadli tizimi (CARF) doirasida yurisdiksiyalarni belgilash hamda CARF sohaviy guruhi tomonidan Oʻzbekistonni baholash yakunlari boʻldi. Tomonlar keyingi qadamlarni, jumladan qoʻshimcha maʼlumotlarni yuborish va kotibiyat bilan aloqalarni belgilab oldilar.

Uchrashuv ishtirokchilari, shuningdek, Soliq ishlari boʻyicha oʻzaro maʼmuriy yordam toʻgʻrisidagi konvensiyani (MAC) amaliy qoʻllashni boshlash uchun tartib-taomillarni tezlashtirish masalasini koʻrib chiqdilar. Bundan tashqari, moliyaviy hisobvaraqlar toʻgʻrisidagi maʼlumotlarni avtomatik almashishni tartibga soluvchi Yagona hisobot standarti (CRS)ni ishga tushirish istiqbollari muhokama qilindi.

Maslahatlashuvlar chogʻida tomonlar tayyorgarlik choralari, harakatlar ketma-ketligi va avtomatik xalqaro almashinuv mexanizmlarini ishga tushirishning taxminiy muddatlariga toʻxtalib oʻtdilar. Uchrashuv yakunida tomonlar ushbu yoʻnalishlar boʻyicha hamkorlikni davom ettirishga kelishib oldilar.