Qurilish va UJXV markaziy isitish tizimidan uzilish taqiqlanganini eslatdi

Muxtor isitish tizimiga oʻtish masalasi Qurilish va UJXVning 2026-yil 1-noyabrdan boshlab aholi uchun issiqlik taʼminoti va issiq suv tariflarini oʻrtacha 30 foizga oshirish tashabbusi fonida koʻtarildi. Toshkentda Veolia Energy Tashkent abonentlari uchun isitiladigan maydonning har bir kvadrat metri uchun kunlik tarifni QQS bilan 241,44 soʻmdan 314 soʻmgacha oshirish taklif etildi. Jurnalistlar taʼkidlashicha, isitiladigan maydoni 60 kv. m boʻlgan xonadon uchun xarajatlar oyiga taxminan 565 ming soʻmni tashkil etishi mumkin, bu esa individual qozon egalarining xarajatlaridan yuqoridir.

Vazir oʻrinbosari Vazirlar Mahkamasining 2014-yil 5-iyuldagi 194-sonli qarorining 88-bandiga asoslandi. Mazkur hujjat isteʼmolchilarga isitish asboblarini oʻzboshimchalik bilan demontaj qilishni, uylar ichidagi tarmoqlarni qayta qurishni va talablarni buzgan holda qoʻshimcha uskunalar oʻrnatishni toʻgʻridan-toʻgʻri taqiqlaydi.

Joʻrayevaning soʻzlariga koʻra, tizimga aralashuv qoʻshnilarning issiqlik taʼminotini buzadi. Tekshiruvlar shuni koʻrsatmoqdaki, yashovchilar koʻpincha umumiy quvurlarga polni isitish tizimlarini noqonuniy ulab olmoqda yoki radiatorlarni balkonga chiqarmoqda. U, shuningdek, mamlakatda yangi qurilgan uylarda individual qozonlardan bosqichma-bosqich voz kechilayotganini eslatib oʻtdi: 2025-yil oktabridayoq yangi uylarni isitish uchun gazga texnik shartlar berish toʻxtatilgani haqida xabar qilingan edi.