Oʻzbekistonda toʻqqiz oyda qurilishlardagi 3166 ta qoidabuzarlik buzib tashlash orqali bartaraf etildi

Yil boshidan 1-oktabrga qadar idora tomonidan 28 708 ta qurilish obyektida 301 272 ta monitoring tadbiri oʻtkazildi. Tekshiruvlar natijasida inspektorlar ijro etilishi majburiy boʻlgan 215 907 ta koʻrsatma berdi. Mualliflik va texnik nazorat qoidalariga rioya qilinmagani sababli litsenziya hamda ruxsatnomalarni toʻxtatib turish, tugatish yoki bekor qilish boʻyicha 348 ta taqdimnoma kiritildi. Sifatsiz qurilish materiallaridan foydalanish holatlari yuzasidan vakolatli organlarga yana 1650 ta taqdimnoma yuborildi.

Shuningdek, inspektorlar 23 121 ta koʻp kvartirali uyning texnik holatini koʻzdan kechirib, 9804 ta qonunbuzarlikni qayd etdi. Ular orasida tutash yer uchastkalarida 4743 ta noqonuniy qurilish, toʻsiq konstruksiyalarining 2385 ta shikastlanishi, umumiy foydalanishdagi joylarni egallab olishning 1291 ta holati, 1150 ta sanitariya meʼyorlarining buzilishi yoki yertoʻla devorlarining shikastlanishi, shuningdek, yuk koʻtaruvchi konstruksiyalarning 403 ta shikastlanishi mavjud. 6 mingdan ortiq qoidabuzarlik bartaraf etildi, 1457 ta holat boʻyicha sudga daʼvo arizalari kiritildi.

Bundan tashqari, mutaxassislar kommunal tarmoqlarda 5141 ta qoidabuzarlikni aniqladi: ichimlik suvi taʼminoti tarmoqlarida 4053 ta, oqova suv tizimlarida 542 ta va hisoblagichlarning tamgʻalari uzilishi boʻyicha 545 ta holat. Suv taʼminoti korxonalariga 27,4 mlrd soʻm miqdorida qoʻshimcha toʻlovlar hisoblandi. Shuningdek, 4786 ta budjet tashkiloti tekshirilib, ularda 741 ta kamchilik qayd etildi.