Fargʻona va Samarqand aeroportlari yaqinida havoni nazorat qilish stansiyalari oʻrnatildi

Samarqanddagi uskunalarni oʻrnatish va sozlash ishlari 9-oktabr kuni yakunlandi, Fargʻonadagi stansiya esa 15-oktabrda oʻrnatildi. Keyinroq shunga oʻxshash qurilmalarni respublikaning boshqa havo portlari yaqinida ham joylashtirish rejalashtirilgan.

Tizim mayda dispersli PM2.5 va PM10 zarralari miqdorini, shuningdek, azot dioksidi, uglerod oksidi, oltingugurt dioksidi, ozon, ammiak va vodorod sulfidi konsentratsiyasini qayd etadi. Shu bilan birga, asboblar meteorologik parametrlarni: harorat, namlik darajasi, atmosfera bosimi, shamol kuchi va yoʻnalishini oʻlchaydi.

Maʼlumotlar uzluksiz rejimda Atrof-muhit monitoringi yagona geoinformatsion bazasiga yuboriladi. Loyiha ekologiya sohasini transformatsiya qilish toʻgʻrisidagi Prezident farmoni hamda sanoat ifloslanishini kamaytirish boʻyicha hukumat qarori ijrosi doirasida Malkam Environmental Technologies tashkiloti bilan hamkorlikda amalga oshirilmoqda.