Toshkentda biznes va davlat organlari vakillari yuk tashish masalalarini muhokama qildi

Tadbir “Oʻzbekiston temir yoʻllari” AJ, Toshkent shahar bojxona boshqarmasi, “Toshkent mintaqaviy temir yoʻl uzeli” (MTU) filiali va Biznes-ombudsman devonining shahar filiali rahbariyati ishtirokida boʻlib oʻtdi.

50 dan ortiq tadbirkor ishtirokidagi muloqot chogʻida tashqi iqtisodiy faoliyat, bojxona toʻlovlari va rasmiylashtirish tartib-taomillari bilan bogʻliq 20 dan ortiq masala koʻrib chiqildi.

Uchrashuv ishtirokchilari, shuningdek, temir yoʻlda yuk tashishda vagonlarni uzatish, tranzit yetkazib berishni soddalashtirish, sanitariya talablari, sertifikatlar olish va elektron tizimlar bilan ishlash boʻyicha tadbirkorlarning takliflarini tingladilar.