Wildberries Toshkent viloyatida logistika xabini quradi

Bitim 6-oktabr kuni Fargʻonada boʻlib oʻtgan Rossiya va Oʻzbekiston hududlari kengashining uchinchi yigʻilishida imzolandi. Majmua Zangiota tumanining Toshkent shahrining Yangihayot tumani bilan chegaradosh boʻlgan «Bogʻzor» mahallasidagi 67,3 gektar maydonda joylashadi. Hozirda loyihalash ishlari olib borilmoqda, qurilishni esa oktabr oyi oxirida boshlash rejalashtirilgan.

Shartnoma shartlariga koʻra, Wildberries obyektni foydalanishga topshirish majburiyatini oladi va majmuada kamida 7500 ta ish oʻrni yaratishni rejalashtirmoqda. Bundan tashqari, kamida 2000 kishi kompaniyaning ixtisoslashtirilgan taʼlim dasturlari boʻyicha oʻqitiladi.

Loyihalashtirilayotgan majmua maydoni 180 ming kvadrat metrni tashkil etadi. Podrobno.uz loyihaga kiritiladigan investitsiyalar hajmini 2027–2028-yillarda amalga oshirilishi bilan 140 million dollarga baholamoqda (Spot.uz maʼlumotlariga koʻra, kompaniya rahbariyatining 2025-yildagi bayonotiga tayanib — 150 million dollar).