UzAuto Motors Cobalt va Damas modellarini toʻgʻridan-toʻgʻri muddatli toʻlovga sotishni yoʻlga qoʻydi

Chevrolet Cobalt modelini rasmiylashtirish uchun xaridorlar avtomobil qiymatining 50 foizi miqdorida boshlangʻich toʻlovni amalga oshirishlari kerak, qolgan qismi esa 24 oy davomida toʻlanadi. GX-STYLE AT PLUS komplektatsiyasining narxi 156,1 mln soʻmni tashkil etadi, bunda boshlangʻich toʻlov 78,05 mln soʻm, oylik toʻlov esa 3 252 083 soʻm boʻladi. GX-MIDNIGHT AT modifikatsiyasi 165,2 mln soʻm turadi (boshlangʻich toʻlov — 82,6 mln soʻm, oylik toʻlov — 3 441 667 soʻm).

Chevrolet Damas modeli uchun muddatli toʻlov 30 foizlik boshlangʻich toʻlov bilan 30 oy muddatga taqdim etiladi. D11 STYLE komplektatsiyasi 93,156 mln soʻmga tushadi (toʻlov — 27,9468 mln soʻm, oylik toʻlov — 2 173 640 soʻm), D3 STYLE versiyasi — 96,449 mln soʻm (toʻlov — 28,9347 mln soʻm, oylik toʻlov — 2 250 477 soʻm), D2 STYLE PLUS varianti esa — 96,932 mln soʻm (toʻlov — 29,0796 mln soʻm, oylik toʻlov — 2 261 747 soʻm).

Avtomobillarni Chevrolet rasmiy dilerlik markazlarida rasmiylashtirish mumkin. UzAuto Motors toʻgʻridan-toʻgʻri muddatli toʻlovga sotib olish uchun mavjud boʻlgan avtomobillar hajmi cheklanganligini aniqlashtirdi.