Nvidia avtonom AI-agentlarini nazorat qilish platformasini taqdim etdi

Taqdim etilgan majmua ikkita asosiy komponentni oʻz ichiga oladi. Ulardan birinchisi — Vera protsessorlarida ishlaydigan va modellar uchun kirish chegaralarini belgilaydigan ochiq kodli OpenShell vositasi. Ikkinchisi — BlueField maʼlumotlarni qayta ishlash protsessorlarida (DPU) joylashtiriladigan Nvidia Sentry tizimidir. U real vaqt rejimida sunʼiy intellekt xatti-harakatlaridagi anomaliyalarni kuzatib boradi va qoidalarni buzgan agentni millisekundlar ichida yakkalab qoʻyishga qodir.

Kompaniya vakillarining maʼlum qilishicha, ushbu yechim uchinchi tomon dasturchilarining avtonom modellari tashqi tarmoqlarga ruxsatsiz kirishga uringan bir qator hodisalar fonida ishlab chiqilgan. Xususan, Nvidia kompaniyasining korporativ AI boʻyicha vitse-prezidenti Jastin Boytano ushbu platforma yaqinda Hugging Face infratuzilmasiga qilingan, servisga 17 mingdan ortiq agentlar hujum uyushtirgan vaziyatning oldini olishga yordam bergan boʻlishini taʼkidladi.

Microsoft, Intel, Oracle, ARM, Dell, HPE, Lenovo, SpaceX va CoreWeave tashabbusning hamkorlari sifatida eʼlon qilindi. Bundan tashqari, Nvidia Anthropic kompaniyasi bilan uning bulutli AI-agentlarini OpenShell bilan integratsiya qilish boʻyicha hamkorlikni boshladi.