Anthropic kompaniyasi Claude Opus 5.5 flagman til modelini taqdim etdi

Ishlab chiquvchining maʼlumotlariga koʻra, model oʻzidan oldingi Opus 5 ga nisbatan javoblarni 30% dan koʻproq tezlikda yaratadi va odatiy vazifalarda oʻrtacha 40% arzonroqqa tushadi. API ning bazaviy tariflari avvalgi 5 va 25 dollarga nisbatan 1 million kiruvchi token uchun 4 dollar va 1 million chiquvchi token uchun 20 dollarni tashkil etadi, keshdan oʻqish narxi esa 0,50 dollardan 0,20 dollargacha pasaygan.

Ishlab chiquvchi yangi modelni uzoq davom etadigan muhandislik va tahliliy vazifalarga yoʻnaltirmoqda. Kompaniya bayonotiga koʻra, dastlabki sinovlar davomida model 680 ming qatordan iborat dasturiy loyihaning migratsiyasini bir sutkadan kamroq vaqt ichida, 200 ming qatordan iborat bazani tekshirish va tuzatishni esa uch soatdan kamroq vaqt ichida bajardi, holbuki Opus 5 da bunga 20 soatdan ortiq vaqt ketar edi. Terminal-Bench 4.0 benchmarkida model 66,4% natija koʻrsatdi.

Claude Opus 5.5 allaqachon Claude API, Claude Platform platformasi foydalanuvchilariga, shuningdek, AWS, Google Cloud va Microsoft Azure bulutli xizmatlari orqali foydalanish uchun taqdim etilgan. Yuqori tezlikdagi generatsiya uchun oshirilgan narxga ega Fast Mode rejimi ishga tushirildi — 1 million kiruvchi token uchun 8 dollar va 1 million chiquvchi token uchun 40 dollar.