Toyota dunyo boʻylab oʻz zavodlariga 400 mingta robot joriy etadi

Nikkei Asia nashrining xabar berishicha, ushbu yangilik global ishlab chiqarishni modernizatsiya qilishning bir qismiga aylanadi. Bevosita Toyota obyektlarida 150 mingta robotdan foydalanish rejalashtirilgan, yana 250 mingtasi esa guruhning boshqa korxonalari zavodlariga joylashtiriladi.

2028-yildan boshlab kompaniya butun dunyo boʻylab ishlab chiqarish maydonchalarini yangilash va qayta jihozlashga har yili 1 trln iyen (6 mlrd dollardan ortiq) yoʻnaltirmoqchi.

ELEY (Embodied Learning robot for Enhanced Yield) roboti taxminan 50 kg tosh bosadi, gʻildirakli platformada harakatlanadi, akkumulyator yoki elektr tarmogʻidan ishlaydi hamda ikkita «barmoq»li ikkita qoʻl bilan jihozlangan. Qurilma detallarni ushlash va koʻchirish, mato bilan ishlash va tirik mutaxassislarning harakatlari asosida harakatlarni oʻrganish qobiliyatiga ega. Maʼlumotlarni toʻplash uchun ishlab chiqarish liniyalaridagi ishchilar qurilma manipulyatorlariga taqlid qiluvchi maxsus moslamalarni taqib olishadi.

Toyota ijrochi vitse-prezidenti Hiroki Nakajima avtomobil ishlab chiqaruvchi korxonalarda xodimlarning oʻrnini bosish emas, balki robotlar insonlar bilan hamkorlik qiladigan sharoitlarni yaratishga intilayotganini taʼkidladi.