Toyota butun dunyodagi zavodlariga 400 mingta robotni joriy etadi

Nikkei Asia nashrining xabar berishicha, ushbu yangilik global ishlab chiqarishni modernizatsiya qilishning bir qismiga aylanadi. Bevosita Toyota obyektlarida 150 mingta robotni jalb etish rejalashtirilgan, yana 250 mingtasi esa guruhning boshqa korxonalari zavodlariga joylashtiriladi.

2028-yildan boshlab kompaniya butun dunyo boʻylab ishlab chiqarish maydonlarini yangilash va qayta jihozlash uchun har yili 1 trln iyen (6 mlrd dollardan ortiq) yoʻnaltirish niyatida.

ELEY (Embodied Learning robot for Enhanced Yield) roboti 50 kg ga yaqin vaznga ega, gʻildirakli platformada harakatlanadi, akkumulyator yoki elektr tarmogʻidan ishlaydi va ikki «barmoqli» ikkita qoʻl bilan jihozlangan. Qurilma detallarni ushlash va koʻchirish, matolar bilan ishlash hamda tirik mutaxassislarning harakatlari asosida harakatlarni oʻrganish qobiliyatiga ega. Maʼlumotlar toʻplash uchun ishlab chiqarish liniyalaridagi ishchilar qurilma manipulyatorlariga taqlid qiluvchi maxsus moslamalarni taqib olishadi.

Toyota ijrochi vitse-prezidenti Xiroki Nakadzima avtoishlab chiqaruvchi korxonalarda xodimlarning oʻrnini bosish emas, balki robotlar insonlar bilan hamkorlik qiladigan sharoitlarni yaratishga intilayotganini taʼkidladi.