Toyota butun dunyo boʻylab zavodlariga 400 mingta robot joriy etadi

Nikkei Asia nashrining xabar berishicha, ushbu yangilik global ishlab chiqarishni modernizatsiya qilishning bir qismiga aylanadi. Bevosita Toyota obyektlarida 150 mingta robotni jalb etish rejalashtirilmoqda, yana 250 mingtasi esa guruhning boshqa korxonalari zavodlariga joylashtiriladi.

2028-yildan boshlab kompaniya butun dunyo boʻylab ishlab chiqarish maydonlarini yangilash va qayta jihozlash uchun har yili 1 trln iyen (6 mlrd dollardan ortiq) yoʻnaltirish niyatida.

ELEY (Embodied Learning robot for Enhanced Yield) roboti 50 kg ga yaqin vaznga ega, gʻildirakli platformada harakatlanadi, akkumulyator yoki elektr tarmogʻidan ishlaydi hamda ikkita "barmoq"li ikkita qoʻl bilan jihozlangan. Qurilma detallarni ushlab olish va koʻchirish, mato bilan ishlash hamda tirik mutaxassislarning harakatlari asosida harakatlarni oʻrganish qobiliyatiga ega. Maʼlumotlarni toʻplash uchun ishlab chiqarish liniyalaridagi ishchilar qurilma manipulyatorlariga taqlid qiluvchi maxsus moslamalarni taqib olishadi.

Toyota ijrochi vitse-prezidenti Hiroki Nakajima avtoishlab chiqaruvchi korxonalarda xodimlarning oʻrnini bosish emas, balki robotlar insonlar bilan hamkorlik qiladigan sharoitlarni yaratishga intilayotganini taʼkidladi.