Oʻzbekistonda shaxmatchilarning jahon turnirlaridagi medallari uchun mukofotlar miqdori oshirildi

Hujjatga muvofiq, kattalar oʻrtasidagi Butunjahon shaxmat olimpiadasi va paralimpiadasidagi oltin medal uchun sportchilar 200 ming dollar, murabbiylar esa 50 ming dollar oladi. Kumush medal uchun toʻlov tegishlicha 100 ming va 25 ming dollarni, bronza medali uchun esa 50 ming va 12,5 ming dollarni tashkil etadi. Ilgari bu summalar bazaviy hisoblash miqdorida (BHM) hisoblanar edi: sportchiga birinchi oʻrin uchun 2000 BHM, ikkinchi oʻrin uchun 1000 BHM, uchinchi oʻrin uchun 500 BHM berilar edi.

Ilk bor yoshlar oʻrtasidagi Butunjahon shaxmat olimpiadasi va paralimpiadasi uchun alohida mukofotlar joriy etildi: oltin uchun 20 ming dollar, kumush uchun 10 ming va bronza uchun 5 ming dollar (ustozlarga tegishlicha 5 ming, 2,5 ming va 1,25 ming dollar).

FIDE tasnifidagi jahon miqyosidagi musobaqalarda gʻoliblarga 15 ming dollar, kumush medal egalariga 7,5 ming, bronza medal sohiblariga 3,75 ming dollar belgilandi (murabbiylarga — 7 ming, 3,5 ming va 1,75 ming dollar). FIDEning Osiyo miqyosidagi turnirlarida shaxmatchilar oltin uchun 10 ming, kumush uchun 5 ming va bronza uchun 2,5 ming dollar oladi (murabbiylar — 5 ming, 2,5 ming va 1,25 ming dollar). Shaxmatchilarga xalqaro grossmeyster sport unvoni berilganligi uchun avvalgi 100 BHM oʻrniga 5 ming dollar miqdorida bir martalik toʻlov tayinlandi.

Murabbiylarga beriladigan mukofot sportchini oxirgi bir yil davomida tayyorlagan mutaxassislarga toʻlanadi. Bir necha nafar ustoz qatnashgan taqdirda, mablagʻ murabbiylar kengashining qaroriga asosan taqsimlanadi.